Manamnama a makasangpet iti pagilian a Pilipinas inton Huwebes, Nobyembre 26, 2026 ti 19 a Pilipino a tripulante iti limned nga LGP tanker nga MT Gas Husky kalpasan a matarimaan amin a travel documents dagitoy.
Iti agdama, adda dagitoy iti maysa a hotel idiay Varna, Bulgaria bayat a maururay ti flight dagitoy a paawid.
Sigun kenni Labor Attache Marietta Dela Cruz, ada iti natalged a kasasaad dagiti tripulante bayat nga agpapaimbag met dagiti dua a kaduada a nadangran.
Naasikaso metten amin dagiti emergency travel documents da ken naisaganan ti repatriation assistance para kadagiti tripulanta babaen iti pannakikoordinar dagiti ahensya pakairaman ti Department of Migrant Workers (DMW) , Migrant Workers Office (MWO)-Budapest, Philippine Embassy idiay Bucharest, shipowner, ken ti manning agency dagitoy.





