Inyebkas ti nagbalin nga abogado ni sigud a President Rodrigo Roa Duterte bayat ti pre-trial iti International Criminal Court a nakidnap manipod iti pagilianna ti kliyentena a ni Duterte.
Sigun kenni Atty. Salvador Medialdea, “simple kidnapping” ti wagas a panagalada kenni Duterte sakbay a naiturong idiay The Hague, Netherlands.
Kinuna pay ni Medialdea nga agsagsagrap ni Duterte iti “debilitating medical issues” ken saan a makabel a maka-contribute iti panagdingeg.
Nupay kasta, kinuna ni presiding judge a ni Lulia Motoc a sigun iti doktor ti korte, ni Duterte ket “fully mentally aware and fit.”
Ti agtawen ti pito pulo ket siam a ni sigud a President Duterte ket nakakawes iti maris “blue” ken kurbata ken manggegan a nakapuy ti panagsaona bayat ti panangsungbatna kadagiti saludsod ti hues idi kumpirmarenda ti naganna ken petsa ti pannakayanakna.
Maimatangan ni Duterte a nakakidem bayat ti panagdinggeg, a nakipaset babaen ti video link.
Kabayatanna, inkeddeng ti International Criminal Court (ICC) inton Setiembre baente tres iti agdama a tawen ti kumpirmasion dagiti kaso ni sigud a President Rodrio Duterte tapno maipaayan isuna ken dagiti abogadona iti naan-anay a panawen tapno agsagana.
Ni Duterte ket naakusaran ti krimen kontra iti sangatauan a pammapatay iti adu a tawen a bayat ti kampaniana kontra kadagiti agar-aramat ken aglaklako iti iligal a droga a sigun dagiti human rights groups a nangpapatay iti rinibribu.
