Nangipila dagiti abogado ti Kingdom of Jesus Christ (KOJC) ita nga aldaw ti motion iti korte, a mangkiddaw a mayakar ti liderda a ni Pastor Apollo Quiboloy iti kustodia ti Armed Forces of the Philippines (AFP) manipud iti national police.
Sigun kenni Israelito Torreon, chief legal counsel ti Kingdom of Jesus Christ (KOJC), ti nasao nga addang ket gapu iti pannakaseknanda iti kinatalged ni Quiboloy.
Innayon pay ni Torreon a namnamaenda a patgan ti korte ti kiddawda para iti kinatalged ni Quiboloy, nangruna ket agtawen ti nasao a pastor iti dua pulo ket uppat.
Kabayatanna, impaganetget ni Torreon a nakasagan ni Quiboloy a sumango iti korte tapno paneknekanna nga inosente daytoy.
Maipalagip a naiparang ita nga aldaw, September 09, 2024 ni Quiboloy ken dagiti uppat a kaduana nga akusado iti media babaen ti Philippine National Police ken ti interior department.
