Nabaelan latta dagiti automated counting machines (ACM) nga “aggana” iti midterm elections ita a tawen iti baet dagiti report nga adda dagiti glitches, sigun iti Commission on Elections (Comelec).
Kasaruno dagiti gundaway nga adda ti teknikal a pakaseknan dagiti ACM iti sumagmamano a presinto a nakaigapuan ti atiddog a pila nga uray ni Presidente Ferdinand Marcos Jr. ket naaddaan ti isyu iti panangi-cast ti botosna iti nasao a makina.
Ngem kinuna ti Comelec a nasaysayaat latta ti performance dagiti ACM ita a tawen no idilig iti napalabas nga eleksion.
Ita a tawen, 311 a makina laeng ti nasukkatan ken daytoy ket gapu iti minor issues.
Inlawlawag ni Comelec spokesperson Rex Laudiangco a saan a maigarantiya nga awan ti pakaseknan nu maaramat dagiti baro a makina.
