Nangipatulod ti surat ti gobyerno ti Pilipinas kenni Meta CEO Mark Zuckerberg no sadino kidkiddawen daytoy ti kaskenan nga addang kontra iti maatap a panangiwaras iti palso a damag kadagiti social media platforms nga agserserbi kas pangta iti public order ti pagilian.
Ti nasao a surat ket impatulod ti Department of Information and Communications Technology (DICT) Secretary Henry Aguda ken Presidential Communications Office (PCO) Secretary Dave Gomez no sadino impettengda a makapadpads ita ti Pilipinas iti public vulnerability gapu iti mannarimaan a krisis.
Karaman kadagiti inyunayunayda a fake news ket adda pakainaiganna iti presyo ti produkto a petrolyo, economic disruptions, ken dadduma pay.
Naikkan met ti Meta iti 48 oras tapno ikumpirmarna a naawatna ti nasao a surat ken naikkan iti pito nga aldaw nga agisumitir iti detalyado nga implementation plan. //bombokaren.c.s
