Suportaran ti Malacañang ti posibilidad a maiparit ti Facebook ken dadduma pay nga online gaming platforms gapu iti agsasaruno a naranggas nga insidente kadagiti pagadalan iti intero a pagilian.
Sigun kenni Presidential Communications Office (PCO) Undersecretary Claire Castro, panawenen tapno matingiting no agtalinaed a pagsayaatan iti pagilian ti social media platform a Facebook wenno makatulong laeng iti pannakaiwaras dagiti palso a damag.
Daytoy ti reaksyon ni Atty. Castro kalpasan ti kinuna ti Cybercrime Investigation Coordinating Council (CICC) nga ikonsiderada ti singasing a maiparit ti Facebook iti Pilipinas, kasaruno dagiti kaso ti kinaranggas kadagiti pagadalan.
Impaganetget ti opisyal a silulukat ti Palasyo iti ideya a mangiparit iti aniaman a gaming wenno social media platform a mangdangran kadagiti agtutubo ken pagilian, nangruna no awan ti panagsungbat ken nabannayat ti tignay kadagiti apela ti gobierno tapno masalakniban ti publiko.
Impeksa ni Atty. Castro a no saan a makatulong a mangsalaknib kadagiti agtutubo, nasaysayaat no usigen manen no rumbeng a maaramat dagitoy iti pagilian.
