Nagpalagip ti Malacañang iti publiko a liklikanda ti panagpanic ken agbalinda laeng a kalmado seknan iti pangta ti Super El Niño.
Sigun kenni Undersecretary Claire Castro, imbes nga agpanic, binalakadanna dagiti Pilipino nga aramidenda laengen dagiti babasit nga addang iti panangsalimetmet iti danum.
Innayon pay daytoy nga agsagsagana metten ti Task Force El Niño iti pangta ti posible a nakaro a kalgaw.
Sumagmamano met nga ahensya kas iti Department of Agriculture (D.A.), National Irrigation Administration (NIA) ken Department of Public Works and Highways (DPWH) ti mannarimaan nga agsagsagana para iti nasao a phenomenon.
Imbinglay metlaeng ti nasao nga opisyal a mangilatag ti gobyerno iti P6.2 billion para iti Department of Agriculture (DA) kas tulong kadagiti mannalon ken mangngalap.
Maipaay met ti P39.82 billion para iti National Disaster Risk Reduction and Management iti sidung ti 2026 General Appropriation Act.
