Namakdaar ti Climate Change Commission (CCC) a mabalin a dumanon iti 45 degrees Celsius wenno nangatngato ti temperatura iti dadduma a paset ti pagilian no dumteng ti posible a Super El Niño inton 2027.
Sigun kenni CCC Commissioner Albert Dela Cruz, manamnama a bumassit ti tudo ken kumaro ti kasasaad ti paniempo bayat ti Super El Niño.
Mabalin a mangapektar daytoy iti suplay ti danum, taraon, enerhiya, salun-at ken kinatalged ti publiko.
Innayon ni Dela Cruz a ti pakdaar ket naibasar kadagiti panagadal seknan iti panagbalbaliw ti klima, agraman ti report ti Intergovernmental Panel on Climate Change (IPCC) ken parallel study ti maysa a climate laboratory a nakabase iti University of Chicago.
Kabayatanna, posible a karaman ti Region 1, 2, ken 3 kadagiti umuna a lugar a posible a makapasar iti nakaro nga epekto ti Super El Niño.
