Posible a maapektaran iti Super El Niño ti suplay dagiti babassit nga ikan a kas iti galunggong ken sardinas agsipudta sensitibo dagitoy iti panagbalbaliw ti temperatura iti baybay.
Sigun kenni Jonjon Santos, daddaulo ti Association of Fresh Fish Traders of the Philippines, normal iti agdama ti suplay ti ikan.
Nupay kasta, posible a bumaba ti produksyon iti kanito a kumaro ti El Niño.
Maibasar kadagiti napigsa nga El Niño a napasaran idi napalpalabas a tawen a kas iti El Niño idi 1983, dakkel ti panagbaba ti produksion ti ikkan kalpasan ti makatawen.
Kabayatanna, awan pay ti namonitor a saan a nainkalintegan a panagngato ti presio ti ikan, kagiddan ti pannakasuspender ti panagkalap iti dadduma a lugar.
Manamnama nga agtultuloy ti closed fishing season manipud Nobiembre agingga Pebrero 2027.
