Agturong ni Interior Secretary Jonvic Remulla iti kongreso ita nga aldaw, September 22 tapno mangisingasing iti addang kalpasan ti insidente ti pammaltog iti maysa a pagadalan sadiay South Cotabato idi Biyernes, September 18, 2026.
Sigun kenni Remulla, saan nga imposible a marisut dagiti insidente ti kinaranggas kadagiti pagadalan.
Nupay kasta, kasapulan ti tulong ti gobierno ken ti publiko.
Innayon ni Remulla a saan laeng a gobierno ti pangipaay iti solusyon agsipudta, dakkel metlaeng ti akem dagiti nagannak.
Karaman kadagiti isingasing ni Remulla ti pananglimitar iti panagaramat iti social media, partikular dagiti agtawen iti 16 ken agpababa; panangregulate kadagiti loose ken legal a paltog, panangsukimat ti PNP kadagiti pakaiduldulinan dagiti lisensiado a paltog iti pagtaengan, ken ti pannakaikkat dagiti “nihilistic” sites iti Pilipinas.
