Nagpirma ti Department of Education (DepEd) ken ti Department of the Interior and Local Government (DILG) iti katulagan a mangpapigsa iti seguridad kadagiti pagadalan iti intero a pagilian, pakairamanan ti pannakapalawa ti patrol dagiti barangay tanod iti aglawlaw ti school premises.
Sigun kenni Education Secretary Sonny Angara, saan a mapalubosan dagiti barangay watchmen iti uneg ti school premises gapu iti agdama a “no-arms zone” policy; nupay kasta, mabalinda a bantayan ti aglawlaw ken sukimatenda dagiti mabalin a pagserkan.
Kabayatanna, kinuna ni Angara a mabaliwan ti pannakaisayangkat dagiti school safety drills tapno maliklikan dagiti simulation a mabalin a pakaigapuan ti buteng wenno trauma kadagiti estudyante.
Iti agdama, agarup 5,300 nga school guidance counselor ti na-hire, bayat a maproseso dagiti dokumento ti nasurok nga 4,000 pay nga aplikante.
Impeksa pay ni Angara a kasapulan a malimitaran ti panagaramat iti social media kadagiti menor de edad.
