Ammo yo kadi mga kabombo nga adda ti maysa nga acupuncture clinic ti agar-aramat iti adu a dagum tapno laeng agasan dagiti pasyente.
Limmatak ti Shirakawa Clinic, maysa nga acupuncture clinic idiay Japan gapu iti naidumduma a wagas dagitoy tapno agasan dagiti pasyenteda.
Kadagiti dadduma nga acupuncture clinic, pamaysa-maysa laeng a dagum ti itudok da iti pasyente ngem iti Shirakawa Clinic, agar-aramat dagitoy iti adu a dagum no sadino agruprupa pay ti pasyente dagitoyen kas maysa a porcupine.
Panggep daytoy a matulungan dagiti pasyente a maagasan iti pisikal ken spiritual a rikna ti maysa nga indibidual.
Malaksid iti dayta, makaagas pay daytoy iti migraine, insomnia, stress, asthma, constipation, irregular menstruation, dysmenorrhea, irregular heartbeat, ken dadduma pay.
Ti tunggal session iti daytoy ket dumanon iti 200,000 yen wenno PHP66,887.77 a dumanon iti tallo pulo a minutos.
Iti baet a nangina ti mabayadan iti daytoy ket adu latta dagiti Japanese celebrities ken atleta ti agturturong iti nasao a clinic.
Kabayatanna, adu met netizens ti nagkomento ken panggepna a mangpadas iti daytoy.
