Ka-Bombo! agsapsapul ka kadi iti ka-forever mo?
Ammoyo kadi a maibasar iti kaudian a rekord ti Department of Agriculture (DA) – Cordillera, manipud iti 286,220 a bilang dagiti rehistrado a farmers iti rehiyon ket 63,472 dagiti single?
Maibasar iti datus nga inruar ti Agriculture department idi Pebrero 14 ita a tawen, 16,388 ti bilang dagiti single a farmers idiay Benguet a buklen ti 11,634 a lallaki ken 4,754 a babbai.
Sinaruno daytoy ti Mt. Province nga addaan iti 15,237 (8,713 a lallaki ken 6,524 a babbai).
Iti met Ifugao, 11,076 dagiti single (7,073 a lallaki ken 4,003 a babbai).
Iti Abra, 9,314 (5,998 a lallaki ken 3,316 a babbai).
Iti Kalinga, 7,157 (4,368 a lallaki ken 2,789 a babbai).
Iti Apayao, 3,667 (2,147 a lallaki ken 1,520 a babbai).
Iti met Baguio City, 633 (324 a lallaki ken 309 a babbai).
Adayo a nangatngato ti bilang dagiti single a lallaki nu idilig kadagiti babbai.
Inlawlawag ti Department of Agriculture Cordillera a ti nasao a bilang ket saan a nairaman dagiti pimmusayen, dagiti saan nga aktibo mannalon ken dagiti duplicated entries.
