Manamnama nga ado a turista ti sumangbay sadiay La Trinidad, Benguet ita a Holy Week nangruna ket addaan daytoy iti ado a tourist destinations.
Iti panakiuman ti Bombo Radyo kenni Police Captain Roland Salingsing ti La Trinidad Municipal Police Station, kinunana a welcome dagiti amin a bisita ken nakasagana dagitoy a mang-akomodar kadakuada.
Nupay kasta, inyunay-unayna ti panagbalon dagiti amin a motorista iti panaganus nangruna ket mapatta-patta a mapasaran ti nailet a gunay ti trapiko.
Sigun kenni Police Captain Salingsing, ita a holy week ket manayunan ti deployment dagiti pulis kadagiti “places of convergence,” wenno kadagiti nagduduma a tourist destinations kas iti strawberry farm ken kadagiti bottleneck ti trapiko.
Para ita a semana santa, agarup 40 a personnel ti nadeploy kadagiti nagduduma a paset ti nasao a munisipyo bayat a dagiti daduma ket para kadagiti routinary nga aktibidad dagitoy.
Impasigurado met ni Salingsing nga umdas ti personell dagitoy ita a Holy Week kasta met a nakasana dagitoy a tumulong kadagiti anyaman a pasamak.
