Kayat ti bilionario a ni Elon Musk nga adu nga ahensia ti federal government ti masapul a maikkat kas paset ti panggep ni President Donald Trump a malinisan ti gobierno ti Estados Unidos.
Sigun kenni Musk, saan nga amin ket kasapulan a maikkat, ngem inyunay-unayna a rumbeng a maikkat ti amin nga ahensia gaputa patienna a “nalaka nga agtubo ti ruot nu saan a maikkat ti ramot”.
Ti nasao a banag ket kinunana bayat ti video call ti World Governments Summit idiay Dubai.
Dagiti komento ni Musk ket napasamak gaputa masapul nga idepensana ti akemna kas unelected official a naikkan iti otoridad ti Presidente ti Estados Unidos a mangrakrak kadagiti paset ti gobierno ti US.
Manipud idi nagtugaw ni Trump idi Enero 20, imbaon ni Musk dagiti kameng ti Department of Government Efficiency (DOGE) tapno sukimatenda dagiti sensitibo a personnel ken impormasion maipapan iti panagbayad kadagiti sistema ti kompiuter ti gobierno.
Indauluan ni Musk ti naballigi a panagregget a mangrakrak iti dua nga ahensia a kas ti USAID ken ti Consumer Financial Protection Bureau.
