Nasarakan dagiti nagduduma nga imported a nateng iti Hanger ken Fruit Section ti Baguio City Public Market.
Sigun kenni Nida Organo, Municipal Agriculturist ti munisipyo iti La Trinidad, adu ti na-monitor dagitoy nga imported a natnateng iti merkado publiko ti siudad ti Baguio.
Karaman ditoy dagiti imported a broccoli a nailako idiay La Trinidad Trading post.
Impeksa ni Organo a sipud naipaulog ti executive order para iti pannakabukel ti Anti-Vegetable Sabotage Task Force, awan metten ti namonmonitor dagitoy a mailaklako nga imported iti munisipyo ti La Trinidad.
Inlawlawag ti opisial a saan unay nga adu ti imported a nateng a naiserrek idi sadiay Strawberry Farm, Talipapa Balili, ken dadduma a paset ti private trading center iti munisipyo.
Pinalawa pay dagiti maseknan nga opisyales ti La Trinidad ti saklaw ti executive order nu sadinno, coverna ti entero a munisipyo a maiparit ti panagilako ti smmugled a brocoli.
Iti sabali a bangir, manarimaan nga ifol-follow-up dagitoy ti panaglive selling ti maysa nga indibidual iti Facebook nga agilaklako iti imported a nateng.
Malaksid iti dayta ket adda metlaengen ti namonitor nga imported nga strawberries a manarimaan nga ifol-follow-up dagitoy nangruna ta dandanin ti harvesting ti strawberries
Kabayatanna, inlawlawag ni Organo a saan a maibaga nga smuggled dagitoy nu pay kasta adda dagiti identified truckers ket agdeldeliver ti nateng sadiay Manila nga agbackload iti prutas nga imported.
Ideldeliver da dagitoy kadagiti fruit stand iti siudad agingga nga innayunna nga ibackload ti imported a brocolli
Naobserbaran pay a naikarga dagitoy iti kahon a nakaisuratan ti nagtaudan dagiti imported a nateng.
Sigun met kenni Mayor Roderick Awingan, dagiti imported a natnateng a nabayag a madadael ket posible nga addaan ti epekto iti salun-at ti masya a tao.
Gapu iti dayta, naadaan ti dua nga executive order, 1) pannakabukel ti task force ken ti 2) Executive Order No. 162 s. 2026 prohibiting the entry, handling, and storage of smuggled vegetables within the La Trinidad Vegetable Trading Post (LTVTP) and public markets.
Inlawlawag ti mayor a babaen iti Executive Order No. 162 s. 2026, nabilin ti Market Supervisor a regular nga agrikus tapnu ag-monitor.
Mamati daytoy a kaaduan ket manakaawat ken managtungpal kadagiti aksyon a naaramid, nangruna ta addaan daytoy ti epekto iti industriya ti highland vegetable iti probinsiya ti Benguet.//Bombo Noveh Organo
