Agarup sangagasut sangapulo ket lima a pamilia ti agtaltalinaed paylaeng kadagiti evacuation center iti walo a rehion ti Luzon ken Visayas kasaruno ti panagdalapos ti adu a bagyo iti Pilipinas, sigun iti Department of Social Welfare and Development (DSWD).
Dagiti rehion ket ti Ilocos Region, Cagayan Valley, Central Luzon, CALABARZON, MIMAROPA, Bicol Region, Cordillera Administrative Region, ken Eastern Visayas.
Sigun iti pannakangiwat ti nasao nga ahensia a ni Assistant Secretary Irene Dumlao, agtaltalined ti nasao a bilang a pamilia kadagiti temporary shelter iti 3,267 nga evacuation centers.
Nangiwaras metten ti Department of Social Welfare and Development (DSWD) iti 400,000 a family food packs kadagiti lugar a naapektaran ti tropical cyclones a Nika, Ofel, ken Pepito.
Katukad daytoy ti P125 million a gatad ti humanitarian assistance, sigun kenni Dumlao.
Karaman kadagiti nakaro a naapektaran a lugar ket ti Catanduanes, ti umuna a nagdissuan ti Super Typhoon Pepito ita a lawas.
