--Ads--
Nakaawat iti sag-25 kilo a bagas ti agarup 1,612 a pamilya manipud iti 16 a barangay idiay Bontoc iti rice distribution a napasamak idi Hulyo 6 iti agdama a tawen.
Ti nasao a rice aid ket naipatungpal iti sidung ti Local Government Support Fund-Financial Assistance to Local Government Unit (LGSF-FALGU).
Manipud iti nadakamat a bilang, kaaduan kadagiti benepisyaryo dagiti seniotr citizens, person with disabilities mannalon ken barangay health workers.
Immawat metlang dagiti parents of malnourished children, barangay secretaries ken treasurers kasta meten dagiti child development workers.
Impakaammo met ti Mayor Franklin Odsey nga agarup P5 milyon ti nailatang para iti nasao a rice program. //bombokaren.c.sapirao
