--Ads--
Naapektaran ti agarup 2.3 Million nga indibidual iti intero a pagilian gapu iti bagyo a Kristine, sigun iti National Disaster Risk Reduction and Management Council (NDRRMC).
Maibasar iti kaudian a report ti nasao nga ahensia, 494 a pamilia ti naapektaran gapu iti panaglayos iti intero a pagilian.
Iti nasao a datos, agarup 254, 189 nga indibidual dagiti naawanan iti pagtaengan, agarup 5,097 dagiti agigian kadagiti evacuation Centers bayat nga agarup 60,823 dagiti nagkamang iti daduma pay a natalged a lugar.
Immunan nga impadamag dagiti otoridad sadiay Bicol a 20 a tattao ti pimmusay iti nasao a rehion gapu iti bagyo.
Nupay kasta, posible a ngumato pay ti bilang daytoy.
