Manamnama a makasangpet iti Pilipinas ita a lawas ti agarup duapulo nga a Pilipino a kayatna nga agawid, sigun iti Department of Migrant Workers.
Kinuna ni DMW Undersecretary Felicitas Bay a pasetda iti 346 a Pilipino iti Israel a nangipasimudaag iti panggepda nga agsubli ditoy pagilian manipud Hunio 24.
Sabali pay a batch a buklen ti 30 a Pilipino ti manamnama a sumangpet inton sumaruno a lawas apaman a maurnos ti travel arrangements, sigun kenni Bay.
Nupay kasta, aklonen ni Bay a 202 nga overseas Filipinos workers idiay Israel ti agduadua ita nu kayatda nga agsubli kasaruno ti pablaak a full activity status iti Israel ken ceasefire iti Iran.
Iti agdama, 29 a Pilipino idiay Israel ti agtaltalinaed kadagiti temporary shelters a binayadan ti nasao nga ahensia.
Sigun kenni Bay, naipaayan metten ti pinansial a tulong nga agbalor ti USD200, food packs, hygiene kits ken regular wellness check dagiti Pilipino sadiay.
