Nagballaag ti Department of Agriculture (DA) iti posible a panaglabes iti P500/kilo ti presio iti karne iti baboy gapu iti krisis iti produkto a petrolio gapu iti tension idiay Middle East.
Mabalin a ngumato iti 60% ti baboy ken 50% ti bagas nu kumaro ti kasasaad.
Sumagmamano met nga agilaklako idiay Quezon City ti nagkessay iti magatgatang a baboy ken nagakar iti ikan ken nateng. Sumagmamano pay kadagitoy ti panggepna nga iserra ti negosio nu agtultuloy ti panagngato iti presio.
Iti merkado publiko, dumanon iti P380–P400/kilo ti baboy ken ngimmato ti bagas iti agingga P5 tunggal kilo.
Sigun met kenni Rosendo So iti SINAG, nangatngato daytoy ngem iti manamnama a presio iti bagas, bayat a ti farmgate price ti baboy ket P185–P190/kilo, katukad iti retail iti P340–P350/kilo.
Manamnama met ti panagbaba iti presio iti sumaruno a lawas gapu iti panangsuspindir iti excise tax iti gasolina. Supsuportaran metlaeng iti National Price Coordinating Council ti rekomendasion iti DA nga i-cap iti P50/kilo ti naangkat a bagas.
