Posible a maawanan iti trabao dagiti agarup 200 a personnel ti Office of the President gapu iti panakakissay ti pondo ti nasao nga opisina para inton sumaruno a tawen.
Dayta ti impeksa ni Vice President Sara Duterte kagiddan ti napartak a panaka-aprobar ti P733 milion a pondo ti Office of the Vice President, adayo a nababa nu idilig iti kiddaw dagitoy a P2.03 billion.
Sigun kenni Duterte, ti panakabawas ti pondona iti P1.3 billion ket makaapektar iti programa ken proyekto dagitoy kasta met ti panakasweldo dagiti personnel.
Innayon ti bise presidente a posible met a maiparekkep ti satellite offices ti Office of the Vice President gapu iti kinakurang ti pondo.
Ngem, inyunay-unay ni Duterte nga i-maximizeda ti pondo a naipaay kadakuada para inton sumaruno a tawen.
Immuna nga imbaga ni Duterte a ti panakakissay ti pondona ket maysa a political harassment.
