Manamnama nga ag-retake iti admission examinations dagiti agarup 20,000 nga estudiante iti West Visayas State University (WVSU) sadiay Iloilo City kalpasan a naduktalan ti school management ti posible a panagruar dagiti test questions.
Maibasar iti inisyal nga imbestigasyon, ti mapapati a panagwaras dagiti admission questions ket mapapati a naalaan daytoy ti ladawan bayat ti pilot testing.
Nupay saan a 100% a nakumpirmar daytoy, patien ni Iloilo Representative Janette Garin, a daytoy ti rason no apay a nagwaras ti nasao a questions.
Kabayatanna, impetteng ni West Visayas State University (WVSU) president Joselito Villaruz, a dagus nga ipakammo dagitoy ti rason apaman a mairuar ti resulta ti imbestigasyon.
Iti agdama,nagduduma dagiti reaksyon dagiti nadakamat nga estudiante mainaig paylaeng iti daytoy.
