Mangipaay ti DSWD Field Office Cordillera Administrative Region (FO CAR) ti Cash Relief Assistance (CRA) iti agarup 3,183 a targetda a Transport Network Vehicle Service (TNVS) driver-beneficiaries iti rehiyon Cordillera mangrugi inton bigat, Mayo 28 agingga Mayo 29.
Dagiti target beneficiaries, payout venues, ken petsa kadagiti nagduduma a siudad ken probisya ket dagiti sumaganad:
⦁ 58 benepisyaro manipud Abra. Agserbi kas payout venue idiay SWAD Office idiay Bangued ita nga aldaw.
⦁ 1,432 target beneficiaries iti siudad ti Baguo. Agtutong laeng dagiti benepisyaro idiay Baguio Convention Center ita nga aldaw.
⦁ 1,508 target beneficiaries manipud iti probinsiya iti Benguet. Idiay metlaeng Baguio Convention Center ti payout venue ita nga aldaw.
⦁ 76 target beneficiaries manipud Ifugao. Mabalin nga agturong idiay SWAD Office – Lagawe ita metlaeng nga aldaw.
Kabayatanna, dagiti met nakaskedyul inton bigat, Mayo 29 ket dagiti:
⦁ 61 target beneficiaries idiay Kalinga. Agturongdanto idiay SWAD Office – Tabuk City
⦁ 30 target beneficiaries idiay Apayao. Agserbi kas payout venue da idiay SWAD Office – Luna at Conner Municipal Gym
⦁ 18 target beneficiaries idiay Mountain Province. Agturongdanto idiay Luna at Conner Municipal Gym
Mangrugi ti payout iti alas-otso ti agsapa. Mabilbilin met dagiti target beneficiaries nga alaenda dagito valid driver’s license ket photocopy daytoy.
Sigun iti nasao nga ahensiya, siguradoen a sumurot iti naituding nga iskedyul ken venue tapno agbalin a naannayas ken napartak ti proseso ti payout. //bombokaren.c.sapirao
