--Ads--
Nagbakwit dagiti agarup 30,000 nga umili kalpasan ti panagramaram ti wildfire wenno uram iti asideg ti coastal area sadiay Pacific Palisades, Los Angeles idi laeng kalman.
Adu met a pasdek ti nadadael ken dumanon iti 1,200 nga ektarya ti nauram iti Pacific Palisades iti nagbaetan ti Santa Monica ken Malibu.
Gapu iti dayta, dagus nga indeklara ni Governor Gavin Newsom ti nasao a pagilian iti state of emergency.
Iti baet dayta, awan met ti naipadamag a pimmusay wenno nadangran nga indibdual.
Iti agdama, manarimaan paylaeng ti pannaka-imbestigar iti rason ti nasao nga uram.
