Dumanon iti agarup tallo pulo ket tallo nga indibidual ti pimmusay ken dinosdosena ti nadangran idi nagdisso dagiti “tornado” ken naranggas a bagyo iti intero a sentro ti Estados Unidos.
Iti social media post, maimatangan dagiti bubong dagiti babbalay a nakaro a nadadael ken dadakkel a “truck” ti nabaliktad.
Iti Kansas idiay metlaeng Estados Unidos, walo nga indibidual ti pimmusay gapu iti panagdinnungpar dagiti nasurok 55 a lugan nga intunda ti “low visibility” bayat ti “severe dust storm,” sigun iti lokal a pulis sadiay.
Kinumpirmar ti Missouri State Highway Patrol a sangapulo ket dua ti pimmusay a mainaig iti bagyo.
Iti met Mississippi, kinuna ti gobernadorda nga innem ti naipadamag a pimmusay ken tallo nga indibidual ti mapukpukaw, bayat nga idiay Texas, uppat nga indibidual ti pimmusay gapu iti aksidente ti lugan a mainaig iti “dust storms” ken uram.
Iti kaaruba nga state ti Arkansas, kinuna dagiti opisial a tallo ti pimmusay ken duapulo ket siam ti nadangran iti bagyo.
