Dumanon iti agarup 4000 a pamilya ti apektado iti uram a napasamak idiay Parola Compound, Binondo, Manila idi May 23, 2026.
Gapu iti napartak a panagramaram ti uram kadagiti nagdedekket a babbalay, naingato ti fire alarm iti Task Force Bravo, pasado 4:00 p.m, agingga a dimmanon iti Task Force Charlie iti 5:00 p.m.
Sigun kadagiti maseknan nga otoridad, narigatanda a nangsebseb iti uram bayat a pilit nga iyis-ispal dagiti residente dagiti alikamenda.
Kompilikado pay ti panagresponde dagiti otoridad agsipudta adda iti asideg ti baybay sadiay Manila Bay ti apektado a lugar.
Kabayatanna, indeklara ti Bureau of Fire Protection (BFP) a fire out ti uram iti 12:17 a.m ti Domingo, Mayo 24, 2026.
Iti agdama, manarimaan ti imbestigasion dagiti otoridad iti nasamak nga insidente.
Makikiddaw met iti publiko a liklikanda paylaeng ti panagturong iti nasao a lugar.
