Nagnumar ti agarup 5,582 nga indigent senior citizen ti siudad ti Baguio iti naballigi a 2nd Quarter Social Pension for Indigent Senior Citizens Program payout ti siudad ti Baguio.
Ti nasao a payout ket naipatungpal babaen iti Transfer of Funds Scheme ti siudad kas maitunos iti memorandu nga inisyu ti Department of Social Welfare and Development (DSWD).
Indauloan daytoy ti City Social Welfare and Development Office (CSWDO), City Accounting Office, City Treasury Office, community-based social workers, barangay officials, senior citizens associations ken dadduma nga organisasyon.
Inyebkas met ni Liza Bayuga, dadaulo ti City Social Welfare and Development Office (CSWDO) ti panagyamanna kadagiti amin nga ahensya, opisina, organisasyon, ken volunteers a nangipaay iti suportada iti nasao nga aktibidad.
Kagiddan dayta, impanamnamana ti komitment ti nasao nga opisina iti panangipaay iti tulong kadagiti senior citizens babaen kadagiti nagduduma a programa.//bombokaren.c.sapirao
