--Ads--
Ngimmato iti 57,316 ti bilang dagiti pamilia a naapektaran iti Bagyo nga Inday a mangpakpakaro iti Southwest Monsoon.
Ti nasao a bilang dagiti apektado ket katupag ti nasurok a 248,000 nga indibidual manipud iti 161 a barangay iti intero a pagilian.
Iti agdama, nasurok a 6,400 a tattao wenno 1,900 a pamilia ti agtaltalinaed kadagiti evacuation center.
Kabayatanna, niluktanen ti gobierno ti nasurok 40 nga evacuation centers a pagkamangan dagiti biktima ti layus ken napigsa a tudo.
Karaman kadagiti naapektaran a rehion ti Cagayan Valley, Cordillera, Ilocos Region, Central Luzon, Western Visayas, Negros Island, Zamboanga Peninsula, Northern Mindanao, Davao, SOCCSKSARGEN, ken BARMM.
