Dumanon iti agarup 6,000 a pagtaengan ti naapektaran iti ashfall gapu paylaeng iti Mayon Volcano sadiay Albay.
Sigun kenni Albay Governor Noel Rosal, naobserbaran ti lava dome idi Sabado a nangitunda iti panagruar ti dapo a nangapektar kadagiti munisipyo ti Guinobatan ken Camalig.
Innayon ti opisial a dumanon ti maysa agingga iti dua a pulgada ti kapuskol ti ashfall sadiay Guinobatan.
Gapu iti dayta, maibalbalakad kadagiti residente kadagiti apektado a lugar nga agaramatda iti face mask, nangruna kadagiti ubbing.
Sigun pay kenni Albay Governor Rosal, awan ti nadangran.
Kabayatanna, sumagmamano a karabaw ti natay bayat a nadadael dagiti sumagmamano a mula gapu iti ashfall.
Iti agdama, agtaltalinaed iti Alert Level 3 ti Bulkang Mayon, maibasar iti panagwanawan ti Philippine Institute of Volcanology and Seismology (PHIVOLCS) ita a Lunes, May 04, 2026.
