Agarup 800-K a katao ti naapektaran iti pagilian a Pilipinas gapu iti panagraira ni Super Typhoon Carina ken ti southwest monsoon wenno Habagat.
Daytoy ket sigun iti Office of Civil Defense (OCD) idi kalman nu sadino agarup 183-K a pamilya manipud kadagiti 686 a barangay iti pagilian ti nakapasar iti saan a nasayaat nga epekto ti tropical cyclone.
Dumanon met iti 8,230 a pamilya wenno 35,388 nga indibidual ti adda kadagiti 90 nga evacuation centers.
Nu pay kasta, daduma kadagiti naapektaran ket mabalin a pilienda ti panagnaed kadagiti kabagyan wenno barkada dagitoy.
Kabayatanna, bambantayan ti Office of Civil Defense (OCD) ti Metro Manila, Central Luzon, ken Calabarzon gapu iti mas nakaro nga epekto ni bagyo a Carina ken ti habagat.
Manamnama met a rumuar ni bagyo a Carina iti Philippine Area of Responsibility inton Huwebes ngem agtalinaed ladta a mapasaran ti napigsa a panagbayakanak ti tudo agingga Biyernes.
