Naituding a maideploy dagiti agarup dua gasut a police officers, officials ken volunteers para iti Adivay Festival Grand parade ken ti 124th founding anniversary iti probinsya ti Benguet inton bigat.
Iti exclusive interview ti Bombo Radyo kenni PLT Col. Benson Macli-ing-Chief ti La Trinidad Municipal Police Station, kinuna nga addan metten dagiti traffic plan dagitoy para iti nasao nga aktibidad.
Sigun kenkuana,mangrugi a maiparekep ti Buyagan Road inton bigat iti agsapa kas panagsagana dagitoy iti maangay a parada a mangrugi iti alas sais y media iti agsapa agingga alas dies iti metlaeng agsapa ngem mabalin a mailukat daytoy iti nasapsapa depende iti oras a malpas daytoy.
Gapu iti dayta, nagpalagip daytoy kadagiti motorista a mabalin a magna kadagiti alternate route kas iti BAPTC road, diversion road wenno iti BSU road.
Kabayatanna, al-alluyukenna ti publiko nga agbuya iti nasao nga aktibidad tapno maimatangan dagiti nagkakapintas a pabuya dagiti sangapulo ket tallo a munisipyo iti probinsya ti Benguet ken dagiti dadduma pay a performance.
Innayonna pay nga awan ti rumbeng a pagdanagan dagitoy agsipud ta nakaalerto dagiti otoridad kadagiti kalkalsada kasta metten iti aglawlaw ken uneg ti Wangal sports complex.
