Nadeport dagiti agarup dua pulo ket uppat a Pilipino manipud Estados Unidos kas paset ti ipatpatungpal ni US President Donald Trump mass deportation.
Sigun kenni Philippine Ambassador to the US Jose Manuel Romualdez, dagiti Pilipino a napasubli iti pagilian ket dagiti addaan ti criminal activities ngem saan met dagitoy a seryoso a banag.
Immunan a kinuna ni Romualdez a prayoridad ti gobyerno ti Estados Unidos ti panakadeport dagiti indibidual nga addaan iti criminal records kasta met dagiti 1.3 million nga iligal immigrants.
Naballaagan metten dagiti Pilipino nga iligal nga agtratrabaho wenno agnanaed sadiay Amerika a boluntaryo dagitoy nga agsubli iti pagilian wenno rugianda nga iproseso dagiti dokumento dagitoy.
Ngem, kaadoan kadagiti Pilipino ket nagdesisyon nga agsubli iti pagilian nangruna ket awan iti legal statusda sadiay.
