Dumanon iti agarup P1 billion a gatad ti agrikultura ken imprastruktura ti nadadael gapu iti naglabas a bagyo nga Aghon, sigun iti Disaster Risk Reduction and Management Council (NDRRMC).
Iti kaudian a report, pakabuklan a P942,546,193 ti gatad ti nadadael nga imprastraktura idiay CALABARZON bayat a ti agrikultura ket dumanon iti P85,627,965 a gatad ti nadadael ti nailista idiay Calabarzon ken Mimaropa.
Ti bilang ti pimmusay kas maibasar iti report ket dumanon iti walo.
Pakabuklan met a 152,266 nga indibidual wenno 41,105 a pamilia ti naapektaran ti Aghin idiay Central Luzon, Calabarzon, Mimaropa, Bicol, Central Visayas, ken Eastern Visayas.
Kadagiti naapektaran a bilang, 624 nga indibdiual wenno 185 a pamilya ti agtaltalinaed iti evacuation center bayat a 2,220 nga indibidual wenno 575 a pamilia ti agnanaed iti dadduma a lugar.
Pakabuklan pay 7,659 a babbalay ti nadadael gapu iti bagyo nu sadinno, 6,907 ti partially ken 752 ti totally damaged.
Sangapulo ket walo a siudad ken munisipalidad ti naideklara iti state of calamity.
Naipaay metten ti aggatad P15,302,323 kadagiti naapektaran wenno biktima iti bagyo.
Ti nasao a bagyo ket rimuar iti Philippine Area of Responsibility idi paylaeng May 29.
