Dumanon iti 10 a mountain climbers ti nagaburan gapu iti avalanche wenno panagreggaay ti yelo sadiay Pakistan idi Huebes, July 30, 2026.
Sigun iti Purja foundation, uppat ti kompirmado a pimmusay bayat a mabirbiruk paylaeng dagiti innem pay a biktima.
Karaman kadagiti mountain climbers ti lima a Nepalese, Omani, Americans, Pakistani, Chinese ken dadduma pay a foreign climbers.
Karaman kadagiti pimmusay ti nangidaulo iti expedition a ni renowned mountaineer Nirmal Purja wenno pagaammo iti nagan a Nims Dai.
Limmatak daytoy kalpasan a simmang-at iti 14 a highest peaks iti las-ud ti 189 nga aldaw idi 2019.
Sigun iti vice president ti “Alpine Club of Pakistan”, napukaw ti kontak dagiti mountain climbers iti base camp dagitoy idi Huebes kalpasan a dimteng ti avalanche iti Broad Peak bayat a sumangsang-at dagitoy iti bantay.
Masansan dagiti aksidente kadagiti climbing expeditions sadiay northern Pakistan gapu kadagiti panagreggaay, agtinnag a yelo ken bato, high altitude ken napartak a panagbalbaliw ti paniempo.
