Pormalen nga inyawat ti Pilipinas ti ASEAN Chairship iti pagilian a Singapore kagidan iti panagleppas ti maika-49 nga ASEAN Summit idi kalman.
Iti bitlana, inyebkas ni President Ferdinand Marcos, Jr. ti kumpiyansana iti panangidaulonto ti Singapore iti nasao nga asosasyon.
Inyebkasna metlaeng ti panagsuportana iti nasao a pagilian.
Iti sabali a bangir, kinablaawan met ni Singaporean Prime Minister Lawrence Wong ti Pilipinas iti inawaganna a ‘naballigi’ ng ASEAN 2026 Chairship.
Kas baro a mangidaulo iti ASEAN, naituding nga idauloan ti Singapore ti ASEAN Summit inton sumaruno a tawen, kagidan iti panagmarka ti nasao a regional bloc iti maika-60 nga anibersaryona.
Immuna metten nga inwaragawag ni Foreign Affairs Secretary Ma. Theresa Lazaro nga inton ASEAN Summit 2027 ton a mapagsaritaan ti mapadpadaaanan a pannakaipinal iti South China Sea Code of Conduct kasaruno iti pannakakompleto iti 80% iti singasing a code of conduct ita a tawen.











