Kinumpirmar ti Department of Foreign Affairs (DFA) a makipaset amin dagiti dadaulo ti pagilian a paset iti Association of Southeast Asian Nations (ASEAN) sa ASEAN Summit 2026 idiay Cebu malaksid laeng iti Myanmar.
Sigun kenni Department of Foreign Affairs Secretary ken ASEAN spokesperson Dominic Xavier Imperial, saan a ti baro a lider nu di ket ti representative laeng ti Ministry of Foreign Affairs ti makipaset iti nasao a Summit.
Sigun pay kenni Imperial, agtaltalinaed ti desisyon dagiti dadaulo ti ASEAN a limitaran ti representasyon ti Myanmar gapu iti agtultuloy a krisis iti nasao a pagilian.
Innayon daytoy nga agtaltalinaed metlang ti desisyon ti nasao nga organisasyon nga agingga laeng iti ASEAN Senior Officials’ Meeting (SOM) ti representasyon ti Myanmar kalpasan a saanda a binigbig ti nagbalin nga eleksyon ti nasao a pagilian iti baro a dadaulo daytoy.
Agtultuloy metlaeng ti panangmonitor ti bloc iti implementasyon ti five-point consensus a mangkidkiddaw iti pannakaisardeng ti kinaranggas ken panangipatulod ti humanitarian aid idiay Myanmar.
Ti ASEAN ket bukboklen dagiti pagilian kas iti Pilipinas, Brunei, Cambodia, Indonesia, Laos, Malaysia, Singapore, Thailand, Timor-Leste, Vietnam, ken Myanmar. //bombokaren.c.s
