Impakaammo ti Association of Southeast Asian Nations (ASEAN) a nagkari dagiti dadaulo ti pagilian a paset iti nasao a grupo a pagtalinaedenda a nuclear weapon-free zone ti nasao a rehiyon.
Sigun iti pablaak ti ASEAN iti maika-48 a Summit, napagsasaritaan dagiti dadaulo ti kinapateg ti sibubukel nga implementasyon ti Treaty of Southeast Asia Nuclear Weapon-Free Zone (SEANWFZ).
Ginuyugoyda pay dagiti nuclear-weapon a pagilian a makitinnulongda iti ASEAN tapno masuportaran ti nasao a katulagan.
Sigun pay iti nasao a pablaak, impanamnama dagiti dadaulo ti komitmentda iti panangituloy a pannakikoordinar kadagiti dadduma pay a nuclear-weapon states pakairamanan dagiti adda ti reservations na tapno maparegta pay ti panangipaay ti solusyon kadagiti amin a pakasekan kas maitunos metlaeng iti prinsipyo ti SEANFWZ.
Nagserbi met a host ti Pilipinas iti ASEAN Summit ita a tawen no sadino naangay amin a panagtataripnong dagiti dadaulo ti pagilian idiay Cebu. //bombokaren.c.s
