Binabalaw ni Sen. Joel Villanueva ti Department of Health (DOH) gapu iti agarup P11.1 Billion agatad ti health products a nasayang.
Kaaduan nasao nga agas ket suplay para iti COVID.
Maibasar iti datos nga impakita ni Senador Villanueva iti deliberasion iti pondo ti DOH, P95 Million ti nasayang a Health products idi 2020; P85.213 Million idi 2021; P7.4 Billion idi 2022 ken P11.186 idi 2023.
Inlawlawag met daytoy ni Sen. Pia Cayetano a ngimmato ti gatad dagiti nasayang a health products idi 2023 gapu kadagiti naurnong a suplay para iti COVID-19.
Impetteng met ti DOH a pasayaatenda ti asset ken supply chain management system dagitoy, tapno masigurado ti nasaysayaat a pannakaaramat ken pannakaiwaras dagiti heath products ken maliklikan ti pannakasayang dagitoy.
