Agarup lima a marijuana plantation sites idiay Barangay Kayapa, Bakun, Benguet ti nadiskobre dagiti anti-narcotics forces iti dua nga aldaw nga eradication operation a naisayangkat idi Hunyo 29 agingga Hunyo 30 iti agdama a tawen no sadino dumanon iti P2,344,000 a gatad ti marijuana plant ken seedlings ti napuoran.
Ti nasao nga operasyon ken indauloan ti Philippine Drug Enforcement Agency (PDEA) Cordillera- Land Transport Interdiction Unit-Regional Special Enforcement Team (RSET) Bravo kadua ti Bakun Municipal Police Station (MPS).
Amin dagiti nadiskobre a marijuana plant ken seedlings ket naparot kas nailanad iti operating procedures ti otoridad.
Nupay awan ti nadanunan dagitoy a cultivators dagiti nasao a plantasyon kabayatan iti operasyon, mannarimaan ita ti imbestigasyon dagiti otoridad tapno mabigbig dagiti responsable iti ilegal a plantasyon kasta metten ti makinkukua iti daga a nakaimulaan dagiti marijuana.
Agbalballaag met ti PDEA Cordillera ken Police Regional Office Cordillera (PRO-COR) kadagiti adda ti daga na a saanda a palubosan ti anyaman nga illicit wenno illegal nga aktibidad kadagiti sakop dagitoy. //bombokaren.c.sapirao
