Nadiskobre dagiti otoridad ti agarup 2,400 fully grown marijuana plant iti maysa a communal forest idiay Sitio Lod-on, Barangay Gadang, Kapangan, Benguet babaen iti anti-illegal drug operation nga impatungpalda ita nga aldaw, Nobyembre 17, 2026
Daytoy ket kas paset iti agtultuloy a kampanya dagiti otoridad nga “OPLAN ULTIMATE GRASS CUTTER”.
Sigun iti report, addaan iti mapatta-patta nga Standard Drug Price (SDP) a PhP480,000.00 dagiti nasao a marijuana.
Dagos met dagitoy a pinarot ken pinuoran dagiti otoridad kalpasan iti panangdokumentoda kadagitoy.
Balligi ti marijuana eradication babaen iti panangidaulo iti Kapangan Municipal Police Station (MPS) ken iti pannakitinnulong ti operatiba manipud iti 2nd Benguet Provincial Mobile Force Company (PMFC), Benguet Police Special Operations Group (PSOG), Benguet Provincial Drug Enforcement Unit (PDEU), Police Intelligence Team (PIT) Benguet–Regional Intelligence Unit 14 (RIU 14), ken Philippine Drug Enforcement Agency–Cordillera Administrative Region (PDEA-CAR).











