Nadiskubre ti Kalinga Police Provincial Office (PPO) ti agarup P6 Milyon a gatad ti marijuana plant babaen iti naipatungpal a marijuana eradication idiay Tinglayan, Kalinga idi Setiembre 9.
Dumanon iti 30,000 fully grown marijuana plants (FGMJP) ti nasarakan dagiti otoridad iti dua a nagsina a pasdek idiay Tinglayan.
Idiay Barangay Loccong, agarup 20,000 a puon ti fully grown marijuana plant nga addaan Standard Drug Price (SDP) a dumanon iti P4 Milyon ti nasarakan ken dinadael dagitoy bayat a dumanon met iti P10,000 a fully grown marijuana plant ti nasarakan idiay Barangay Butbut Proper.
Amin dagiti nadiskubre a puon ti marijuana ket pinarot ken pinuoran dagiti otoridad.
Balligi ti nasao nga operasyon babaen ti nagtipon a puersa ti operatiba manipud iti Provincial Drug Emforcement Unit (PDEU) ti Kalinga PPO, Tinglayan Municipal Police Station, 2nd Kalinga Provincial Mobile Force Company ken Philippine Drug Enforcement Agency -Cordillera Administrative Region.
Agtultuloy met ti imbestigasyon ken follow up tapnu maduktalan ken madusa dagiti responsable iti panangimula kadagiti marijuana.
Kabayatanna, agtultuloy met ti nainget a kampanya kontra ti ilegal a droga
babaen iti pangidaulo ni Regional Director PBGen Noel Vallo iti Police Regional Office-Cordillera Administrative Region tapnu mapagtalinaed ti seguridad iti komunidad iti rehion cordillera. //via Bombo Noveh Organo
