Insubli ni sigud a Department of Public Works and Highways (DPWH) Bulacan District Engineer Henry Alcantara iti Department of Justice (DOJ) ti kickbacks a naala daytoy iti naanomalyaan a flood control projects iti pagilian.
Sigun kenni Acting Justice Secretary Fredderick Vida, daytoy ti maikadua a paset ti P300-million kickbacks manipud iti flood control projects.
Gapu iti dayta, agarup P70 Million itan ti naisubli iti gobierno.
Maipalagip nga immuna nga insubli ti sigud nga opisial ti agarup P110 Million idi Nobiembre 28, paset daytoy ti “restitution”.
Kabayatanna, kinompirmar ni Prosecutor General Richard Anthony Fadullon a kualipikado itan ni Alcantara kas state witness.
Namnamaen met ti kampo ni Alcantara a makatulong dagiti naisubli a kuarta tapno mapili daytoy kas state witness iti naanomalyaan a flood control projects iti pagilian.
