Nakumpiska ti P75,600 a gatad ti mapapati a dried marijuana leaves kabayatan iti insayangkat a buy-bust operation ti operatiba manipud iti Philippine Drug Enforcement Agency – Cordillera Administrative Region (PDEA-CAR) Ifugao Provincial Office idiay Purok 5, District 4, Bayombong, Nueva Viscaya ita nga aldaw, Nobyembre 11, 2026.
Nakumpiska dagiti nasao a marijuana manipud iti suspek a nabigbig iti alias “Kiangan”, agtawen iti 31, residente ti Bonfal West, Bayombong a nangpanggep a mangilako iti mapatta-patta a 10 gramos ti mapapati a dried marijuana leaves iti maysa nga undercover agent a nagpammarang kas buyer.
Nakumpiska metlaeng manipud iti suspek ti maysa pay a plastic bag a naglaon kadagiti mapapati a dried marijuana leaves nga agdagsen iti 620 grams.
Naiturong metten ti suspek iti kustodiya ti Bayombong Municipal Police Station ken maisagsagana metten ti pannakaipila ti kaso a pananglabsing iti Republic Act 9165 wenno ti Comprehensive Dangerous Drugs Act of 2002 kontra kenkuana.
