Pimmusay ti agarup pito pulo ket maysa nga indibidual kalpasan a natnag ti truck a nagluganan dagitoy iti karayan sadiay Ethiopia.
Maibasar iti report, innem a pulo ket walo ti lallaki a pimmusay bayat a tallo ket babbai.
Lima met ti naiturong iti ospital nga iti agdama ket adda iti kritikal a kondisyon.
Dagiti nasao a pasahero ket nagtaud manipud iti maysa a kasar ken dagitoy ket paawid idi napasamak ti nasao nga insidente.
Kadawyan met a mapaspasamak ti road accidents sadiay Ethiopia gapu iti nakapoy a pagalagadan dagitoy iti kalsada kasta met a saan a makitkita dagiti kasasaad dagiti lugan.
Maipalagip nga idi tawen 2018 ket natnag met ti maysa a bus manipud iti kabambantayan iti nasao a lugar a nakatayan dagiti tallo pulo ket walo nga estudyante.
