Naituding a pilaan ti Commission on Elections (Comelec) Task Force Baklas iti disqualification cases dagiti agarup tallo pulo a kandidato, pakairamanan ti maysa nga agtartaray iti kina-senator gapu iti on illegal campaign materials.
Sigun kenni Comelec Chairperson George Erwin Garcia, agarup tallo pulo agingga tallo pulo ket lima ti mapilaan iti kaso gapu iti saanda a panangikkat kadagiti campaign materials dagitoy nga imbilin ti task force a maikkat.
Kabayatanna, naituding metlaeng a pilaan ti Task Force SAFE wenno Safeguarding Against Fear and Exclusion in Election dagiti tallo a kandidato iti disqualification petitions gapu iti panaglabsingda iti anti-discrimination resolution ti poll body.
Innayon pay ni Garcia a possible a manayunan dagiti mapilaan iti kaso kalpasan a nakailista dagitoy iti 400 a vote-buying cases.
