Nakemmeg dagiti otoridad sadiay Laos ti agarup walo gasut nga indibidual nga agtrabtrabaho iti maysa a cyber scam network iti “special economic zone” dagitoy iti Myanmar ken Thailand.
Ti Golden Triangle Special Economic Zone (SEZ) ket masarakan iti Bokeo province nu sadino ado dagiti Chinese-owned casinos, hotels ken hubs iti nasao a lugar.
Pakabuklan a 771 dagiti nakemmeg a buklen ti 489 a lallaki ken 282 a babbai manipud kadagiti sangapulo ket lima a pagilian.
Dagitoy ket kaadoan a manipud Laos, Myanmar ken China bayat a dagiti daduma a nationals ket manipud Burundi, Colombia, Ethiopia, Georgia, India, Indonesia, Mozambique, Tunisia, Pilipinas, Uganda ken Vietnam.
Dagiti Laotian nationals ket naipaayan iti warning ken naipasublida kadagiti local communitiesda bayat a dagiti daduma a nationals ket naiturong kadagiti embahada dagitoy.
Daytoy nga operasyon dagiti otoridad ket mabigbigbig kas kapatgan agsipud ta ado a kolaborasyon ti naipatungpal kadagiti nagduduma nga international security forces.
