Impeksa ti Department of Justice a saanda a maragsakan iti impormasyon nga impaay dagiti kontraktor a da Curlee ken Sara Discaya seknan iti naanomalyaan a flood control projects.
Dinakamat metlaeng ti nasao nga ahensia nga adda ti inkeddengda a panawen iti panangipila ti kaso kontra kadakuada, adda man wenno awan ti statement dagitoy.
DOJ officer-in-charge Undersecretary Fredderick Vida
“Patuloy naman po ‘yung kanilang pag presenta, pero syempre sa nakalipas pong panahon, hanggang ngayon po, wala pa rin po tayong estado na masaya na ang kagawaran sa kanilang inilalahad.”
Kinuna ni Vida nga awan pay ti ‘tell-all’ affidavit dagiti Discaya.
Dagiti Discaya, a maibilang a protected witnesses, ket maysa a bulan a sumarsarungkar iti DOJ para iti case build up gapu iti imbestigasion.
Bayat ti maysa a Senate inquiry, inyebkasda a situtuloda nga agbalin nga state witnesses.
