--Ads--
Nagun-od ti maysa a lalaki nga agtawen ti 100 ken babai nga agtawen ti 102 ti Guinness World Record kas ‘World’s Oldest Newlyweds.’
Nagam-ammo dagitoy iti senior living home idiay Philadelphia nu sadinno, natinnag ti riknada iti tunggal maysa ken nagpakasar.
Kinumpirmar ti Guinness World Records a da Bernie Littman ken Marjorie Fiterman ti naka-iggem ti rekord para iti kataengan nga agkainayan-ayat a naikasar idi nagpakasar dagitoy iti senior living facility.
Da Littman ken Fiterman ket agpada nga addaan ti nasurok nga innem a pulo a tawen a kasar iti immuna nga asawada ken nabirukanda manen ti ayat iti tawenda a sangagasut.
