Manamnama a mapilaan ti kaso ti agasawa a nanghire iti lugan ti maysa a lalaki a driver-operator nga agtawen iti 55 ken residente iti Purok 3, Dontogan, Baguio City.
Sigun iti report ti kapulisan, nagturong ti biktima iti istasyon dagitoy tapno ipablotter ti dadael a nasagrap ti lugan na a maysa nga HI-Ace van.
Malaksid iti dayta, irekreklamo metlaeng ti biktima ti saan a nabayadan a balance dagiti agasawa a dumanon iti P37,000.00
Dagiti agasawa ket residente ti Camp Dangwa, La Trinidad, Benguet.
Sigun iti biktima, inabangan dagiti aggasawa ti lugan na idi Marso 1 ti agdama a tawen no sadino agpaut daytoy iti 3 months ken 3 days extension nga addaan iti P25,000.00 nga abang tunggal bulan ken additional a P19,000.00.
Manipud iti nasao a gatad, P37,000.00 ti saanda a nabayadan a balance da.
Sigun iti biktima, nagturong daytoy iti pagnanaedan dagiti agasawa tapno alen kuma ti luganna ngem apaman a naalana daytoy, nadiskobrena a nadadael ti side mirror ken nasukatan ti reflectorized mirror daytoy.
Innayon pay ti biktima a naperdi metlaeng ti rear left tire daytoy kasta metten iti ayan ti passengers side.
Malaksid iti dayta, awan metlaengen ti gas ti nasao a lugan.
Iti kaudian a report ti pulisya, direktan a naipila ti kaso iti prosecutor’s office babaen ti sarili nga abogado ti biktima.// Bombo Noveh Organo
